میانوالی ()وزیراعلیٰ پنجاب مریم نواز کے فلاحی اقدام کسان کارڈ اور زیادہ گندم اُگاؤ منصوبہ کے تحت زمینداروں میں کسان کارڈ اور پے آرڈرز کی تقسیم کا سلسلہ جاری۔ڈپٹی ڈائریکٹر زراعت توسیع میانوالی غلام حر نے تفصیل سے آگاہ کرتے ہوئے بتایا کہ ڈپٹی کمشنر خالد جاوید گورائیہ کی نگرانی میں کسان کارڈ کے دوسرے مرحلہ کی تقسیم ضلع میانوالی کی تمام تحصیلوں میں اس وقت جاری ہے۔ پہلے مرحلہ کے کسانوں جنہوں نے اپنے پیسے جمع کروا دیئے تھے ان کو دوسرے فیز کی رقوم کی ادائیگی جاری ہے۔ پہلے فیز کے 11 ہزار سے زائد کسانوں کو دوسرے فیز میں زرعی مداخل جس میں کھاد، بیج زرعی زہریں، ڈیزل اور 30 فیصد نقد رقم وصول کر سکتے ہیں مہیا کر دیے گئے ہیں جس سے کسان مستفید ہو رہاہے۔ اسی طرح دوسرے فیز کے 2500 سو سے زائد کسان کارڈ موصول ہو چکے ہیں جن کی تقسیم کا عمل جاری ہے۔ یاد رہے کہ دوسرے فیز کے لیے کسان کارڈ کی رقم ڈیڑھ لاکھ سے بڑھا کر تین لاکھ کر دی گئی ہے اور رقبہ کی اہلیت ساڑھے بارہ ایکڑ سے بڑھا کر 25 ایکڑ کر دی گئی ہے۔ اسی طرح گندم زیادہ گندم اگاؤ کی سبسڈی کے لیے جن کسانوں نے آن لائین درخواستیں دیں تھی اور ان کے پاس کسان کارڈ نہیں تھے ان میں پے آرڈرز کی تقسیم کا عمل جاری ہے۔ ضلع میں کل 1887 کسانوں نے آن لائین درخواستیں جمع کروائیں تھیں جن کے پے آرڈر موصول ہوئے اور ان کی تقسیم کا عمل جاری ہے۔
Distribution of Kisan Cards and Pay Orders to Farmers Continues Under CM Maryam Nawaz’s Welfare Initiatives in Mianwali.
