میانوالی میانوالی کے شہریوں کی والہانہ محبت اور پیار ہمیشہ میرے دل میں زندہ رہے گا اسے کبھی فراموش نہیں کر سکتا۔ سابق ڈپٹی کمشنر میانوالی خالد جاوید گورائیہ کا اپنے اعزاز میں کینال ریسٹ ھاؤس میں منعقدہ الواداعی تقریب کے موقع پر اظہار خیال۔ خالد جاوید گورائیہ ڈپٹی کمشنر کے عہدے کا چارج چھوڑ کر میانوالی سے رخصت ہو گئے۔ انھوں نے الوادعی تقریب سے خطاب کرتے ہوئے کہا کہ میانوالی کے لوگوں کی جانب سے انھیں جو پیا ر اور محبت ملی ہے وہ اسے کبھی فراموش نہیں کر سکتے اورہمیشہ یاد رکھیں گے۔ انھوں نے ضلع کی تعمیر و ترقی کیلئے ضلعی انتظامیہ کے ساتھ تعاون پر میانوالی کے شہریوں کا خصوصی شکریہ ادا کرتے ہوئے ان کیلئے نیک تمناؤں کا اظہار کیا۔انھوں نے مزید کہا کہ وزیر اعلیٰ پنجاب محترم مریم نواز شریف کے ویژن کے مطابق انھوں نے میانوالی شہر کی تعمیر و ترقی،خوبصورتی، صحت، تعلیم کے شعبہ اور صفائی ستھرائی کے نظام کے علاؤہ دیگر تمام شعبہ ہائے زندگی میں بہتری لانے کیلئے پوری محنت اور ایمانداری سے دن رات کام کیا۔انھوں نے اپنے خطاب میں تمام افسران و ملازمین کا بھی شکریہ ادا کیا جنھوں نے بطور ٹیم ورک ان کے ساتھ کام کیا۔ ظہرانہ کی تقریب میں میانوالی میں نئے تعینات ہونے والے ڈپٹی کمشنر اسد عباس مگسی،ڈی پی او کیپٹن ریٹائرڈ رائے محمد اجمل کے علاؤہ ضلعی انتظامیہ کے دیگر افسران نے شرکت کی۔خالد جاوید گورائیہ کو ضلعی انتظامیہ کے افسران کی جانب سے پھولوں کے گلدستے اور تحائف پیش کئے گئے ان کی ضلع میانوالی کیلئے گرانقدار خدمات پر انہیں خراج زبردست الفاظ میں خراج تحسین پیش کیا گیا
Farewell Address by Former Deputy Commissioner Mianwali, Khalid Javed Goraya, at Canal Rest House”
