میانوالی جامعہ امام خمینی ماڑی انڈس کے زیر اہتمام چہلم امام حسین ؓ کے پرامن انعقاد کو یقینی بنانے کے سلسلہ میں اہم پریس کانفرنس کا انعقاد کیاگیا۔ پریس کانفرنس کی صدارت ممبر اسلامی نظریاتی کونسل و چیئرمین امام خمینی ٹرسٹ مولانا افتخار حسین نقوی نے کی جبکہ پریس کانفرنس میں ڈپٹی کمشنر خالد جاوید گورائیہ اور ڈی پی او کیپٹن ریٹائرڈ رائے محمد اجمل نے بطور مہمان اعزاز شرکت کی۔ ممبر اسلامی نظریاتی کونسل علامہ افتخار نقوی نے پریس کانفرنس سے خطاب کرتے ہوئے کہا کہ موجودہ حالات و واقعات کے تناظر میں ضلع بھر میں بالعموم اور کالاباغ کی طرف بالخصوص مشی واک نہیں ہوگی، تاہم حسب سابق چہلم کے لائسنسی جلوس اور مجالسِ عزاء روایتی طریقے سے منعقدہ کیئے جائیں گے۔علامہ افتخار حسین نقوی نے امن و امان کے قیام کیلئے فتنہ خوارج کے خاتمہ کیلئے پاک فوج کی قربانیوں کو سراہا۔انھوں نے محرم الحرام کے جلوسوں میں صفائی ستھرائی اور پر امن انعقاد پر وزیر اعلیٰ پنجاب مریم نواز شریف اور ضلعی انتظامیہ کی کاوشوں کی تعریف کی اور چہلم کے موقع پر اسی طرز کے انتظامات کی توقع ظاہر کی۔اس موقع پر ڈپٹی کمشنر خالد جاوید گورائیہ نے اپنے خطاب میں سانحہ کالاباغ کے بعد امن و امان کے قیام کیلئے ممبر اسلامی نظریاتی کونسل مولانا افتخار نقوی اور امن کمیٹی کے ممبران کی کاوشوں کو خصوصی طور پر سراہا اور کہا کہ ان کی کاؤشوں سے اس علاقہ کا امن سالہاسال تک قائم رہے گا۔ انھوں نے کہا کہ وزیر اعلیٰ پنجاب کے ویژن کے مطابق چہلم کے جلوسوں میں سبیلیں لگائی جائیں گی اور صفائی ستھرائی کے مثالی اقدامات کیئے جارہے ہیں۔ ڈی پی او کیپٹن ریٹائرڈ رائے محمد اجمل نے پر یس کانفرنس سے خطاب کرتے ہوئے کہا کہ امن و امان کی فضاء برقرار رکھنے کیلئے عوام شرپسند عناصر پر کڑی نظر رکھیں ۔انھوں نے کہا کہ سوشل میڈیا کی مانیٹرنگ کیلئے مقامی پولیس کی زیر نگرانی خصوصی سیل کام کررہا ہے خلاف ورزی کرنے والوں کے خلاف بلاامتیاز قانونی کارروائی عمل میں لائی جائے گی۔
Related Posts
ڈپٹی کمشنر کی زیر صدارت ضلعی انسدادِ پولیو کمیٹی کا اجلاس منعقد ہوا۔
By: mianwalisiteoffice | Last updated: May 21, 2024
By: mianwalisiteoffice | Last updated: May 21, 2024
- mianwalisiteoffice
- May 21, 2024
- 0
ڈپٹی کمشنر خالد جاوید گورائیہ کی زیر صدارت ضلعی انسدادِ پولیو کمیٹی کا اجلاس منعقد ہوا۔ اجلاس میں سی او ہیلتھ نے ڈپٹی کمشنر کو […]
District Administration Mianwali ‘Thanksgiving Day’ Sunday, May 11
By: mianwalisiteoffice | Last updated: May 13, 2025
By: mianwalisiteoffice | Last updated: May 13, 2025
- mianwalisiteoffice
- May 10, 2025
- 0
وزیر اعلیٰ پنجاب محترمہ مریم نواز شریف کی ہدایت پرضلعی انتظامیہ میانوالی آج بروز اتوار 11 مئی کو ” یومِ اظہارِ تشکر” کے طور پر […]
A Grand Rally Organized by the District Administration Mianwali on the Occasion of Thanksgiving Day
- mianwalisiteoffice
- May 17, 2025
- 0
ضلعی انتظامیہ میانوالی کے زیر اہتمام یو م تشکر کے موقع پر عظیم الشان ریلی کا انعقادکیا گیا۔ریلی جی پی او پل سے شروع ہو […]